پاکستان کرکٹ بورڈ نے ایشیاکپ کے شیڈول کا باضابطہ اعلان کر دیا ہے۔
ایشیاکپ کا آغاز 30 اگست کو ملتان میں پاکستان اور نیپال کے میچ سے ہو گا جب کہ ایونٹ میں پاکستان اور بھارت کے درمیان میچ 2ستمبر کو کینڈی میں ہوگا۔
شیڈول کے مطابق پاکستان اپنا پہلا میچ نیپال کیخلاف ملتان میں کھیلے گا۔ پاکستان کے 4 میچز کی میزبانی لاہور اور ملتان اسٹیڈیم کریں گے۔
دو میچز لاہور اور دو میچز ملتان اسٹیڈیم میں ہوں گے۔ سپرفور مرحلے کے 5 میچ کولمبو اور ایک میچ لاہور میں ہو گا۔ ایشیاکپ کا فائنل بھی کولمبو میں کھیلا جائےگا۔