اسلام آباد: پاکستان انجینئرنگ کونسل (پی ای سی) کی گورننگ باڈی کے 18 اگست 2024 کو ہونے والے انتخابات کے سرکاری نتائج کا اعلان کر دیا گیا۔
پی ای سی کی ویب سائٹ پر جاری گورننگ باڈی کے نتائج کے مطابق انجینئر وسیم نذیر 11 ہزار 473 ووٹ لے کر چیئرمین پاکستان انجینئرنگ کونسل منتخب ہوگئے۔
ڈاکٹر سروش لودھی 9 ہزار 829 ووٹ لے کر سینئر وائس چیئرمین، سہیل آفتاب 4 ہزار 651 ووٹ لے کر وائس چیئرمین پنجاب منتخب، مختیار علی شیخ 4 ہزار 45 ووٹ لے کر وائس چیئرمین سندھ منتخب ہوئے۔
ڈاکٹر قیصر علی 2 ہزار 258 ووٹ لے کر وائس چیئرمین خیبر پختونخوا جبکہ مجیب الرحمن 1 ہزار 426 ووٹ لے کر وائس چیئرمین بلوچستان منتخب ہوئے۔
چیئرمین انجینئر نجیب ہارون کے دستخط کے بعد نوٹیفکیشن جاری کر دیا گیا۔