پشاور(29 اگست 2025): پشاور میں بچوں کی لڑائی میں بڑے کود پڑے جس میں 2 خواتین سمیت 3 افراد جان سے گئے۔
تفصیلات کے مطابق داؤد زئی میں بچوں کی ہونے والے لڑائی طول پکڑ گئی اور اس میں بڑوں کے کودنے سے لڑائی شدت اختیار کر گئی، ملزموں نے اندھا دھند فائرنگ کرکے 2 خواتین سمیت 3 افراد کو موت کے گھاٹ اتار دیا اور موقع سے فرار ہوگئے۔
پولیس کے مطابق اطلاع پر امدادی ٹیمیں بھی موقع پر پہنچ گئیں، قتل ہونے والے تینوں افراد کی لاشوں کو ضروری کارروائی کے لئے اسپتال منتقل کر دیا گیا، پولیس نے مقدمہ درج کرکے ملزموں کی تلاش شروع کردی۔
اس سے قبل اسلام آباد کے مضافاتی علاقے پیر سوہاوہ میں بچوں کی لڑائی پر مسلح تصادم میں ایک خاندان کی تین افراد ہلاک اور 5 زخمی ہوگئے تھے، پولیس کے مطابق جاں بحق اور زخمی افراد کا تعلق ایک ہی خاندان سے ہے، فریقین کے درمیان ذاتی رنجش چل رہی تھی۔
https://urdu.arynews.tv/raheem-yar-khan-father-with-children/