بانی پی ٹی آئی کی بطور چانسلر نامزدگی کے خلاف آکسفورڈ یونیورسٹی میں پٹیشن دائرکردی گئی۔
ڈیلی میل کی رپورٹ کے مطابق یونیورسٹی کو بانی پی ٹی آئی کے خلاف پٹیشن اور متعدد ای میلز موصول ہوئی ہیں جس میں بانی پی ٹی آئی کے چانسلر کی نامزدگی جمع کرانے پرتشویش کا اظہار کیا گیا ہے۔
پٹیشن میں کہا گیا کہ بانی پی ٹی آئی کا عوامی اور ذاتی ریکارڈ پریشان کن ہیں، اس کا بغور جائزہ لینا ضروری ہے۔
پٹیشن کے مطابق انہوں نے اکثر ایسے خیالات کا اظہار کیا ہے اور ایسے اقدامات کیے ہیں جو انتہاپسند گروہ خاص کر طالبان سے ہم آہنگ تھے وہ ماضی میں طالبان اور اسامہ بن لادن کی حمایت بھی کرچکے ہیں۔
بانی پی ٹی آئی نے اسامہ بن لادن کو شہید بھی قرار دیا تھا، پٹیشن میں کہا گیا ان کو کئی بار بدسلوکی کو فروغ دینے والے بیانات پر تنقید کا نشانہ بنایا گیا۔
پٹیشن میں کہا گیا کہ انہوں نے بار بارعصمت دری کے واقعات کے لیے خواتین کے لباس کو وجہ قرار دیا۔
ڈیلی میل کے مطابق بانی پی ٹی آئی کی نامزدگی کے خلاف لڑنے والے امیدواروں کا دعویٰ ہے انہیں سوشل میڈیا پر ہراساں کیا جار ہا ہے، سوشل میڈیا کا اس طرح کا استعمال تشویشناک ہے۔
پٹیشن میں کہا گیا آکسفورڈ یونیورسٹی انسانی حقوق کے لیے احترام کے اعلیٰ ترین معیارات کو برقرار رکھنے کی ایک طویل تاریخ رکھتی ہے، بانی پی ٹی آئی کے اقدار اور ذاتی ریکارڈ یونیورسٹی کے ویژن سے متصادم نظرآتا ہے۔