کراچی: حکومت کی جانب سے قیمتوں میں اضافے کے بعد شہر میں متعدد علاقوں میں پمپوں پر پیٹرول اور ڈیزل ختم ہوگیا۔
تفصیلات کے مطابق پیٹرول مہنگا ہونے کے بعد کراچی کے بیشتر پیٹرول پمپ پر لمبی لمبی قطاریں لگ گئی ۔جبکہ بیشتر پیٹرول پمپ پر پیٹرول ہی ختم ہوگیا، جس کی وجہ سے شہریوں کو شدید مشکلات کا سامنا ہے۔
شارع فیصل،گلشن اقبال ، نارتھ ناظم آباد ،گلبرگ ایف بی ایریا،صدر سمیت شہر کے متعدد علاقوں میں پیٹرول نایاب ہوگیا، پمپ مالکان کا کہنا ہے کہ آئل ماریٹنگ کمپنیز سےپیٹرولیم مصنوعات کی سپلائی نہیں ملی۔
پیٹرول پمپ مالکان نے بتایا کہ پیٹرولیم مصنوعات کی سپلائی معمول میں آنےمیں وقت درکارہوگا، آئل مارکیٹنگ کمپنیزنےریٹ میں اضافے کو جواز بنا کر سپلائی روکی ہوئی تھی۔
خیال رہے حکومت نے اچانک پیٹرول کی فی لٹر قیمت میں تقریباً بیس روپے اضافہ کردیا جبکہ ہائی اسپیڈ ڈیزل کی قیمت میں انیس روپے نوے پیسے کا اضافے کیا۔
وزیرخزانہ اسحاق ڈار نے ٹی وی پر قوم سے خطاب میں قیمت میں اضافے کا اعلان کرتے ہوئے کہا کہ ہم آئی ایم ایف کے اسٹینڈ بائی ایگریمنٹ میں ہیں، یہ اضافہ ملکی مفاد میں کیا گیا ہے۔