پنڈی ٹیسٹ سے قبل بنگلا دیشی فاسٹ بولر نے جوکہا کردکھایا

راولپنڈی ٹیسٹ میچ کے پہلے روز بنگلادیشی فاسٹ بولر شریف الاسلام نے جو کہا کرکے دکھا دیا۔

بنگلا دیشی فاسٹ بولر نے بابر اعظم کی ڈریم وکٹ حاصل کرلی وہ بغیر کوئی رن بنائے شریف الاسلام کی گیند پر سلپ میں کیچ آؤٹ ہوئے۔

چند روز قبل شریف الاسلام نے کہا تھا کہ بابر اعظم کی وکٹ لینا خواب ہے۔

راولپنڈی ٹیسٹ کے پہلے روز بنگلہ دیش کے خلاف پاکستان نے اپنی پہلی اننگز میں 3 وکٹوں کے نقصان پر 114 رنز بنالیے ہیں، صائم ایوب 56 اور سعود شکیل 42 رنز کے ساتھ ناٹ آؤٹ ہیں۔

عبداللہ شفیق 2 اور بابر اعظم بغیر کوئی رن بنائے پویلین لوٹ گئے۔

تاہم کپتان شان مسعود کو 6 رنز پر شریف الاسلام نے آؤٹ کیا لیکن وہ آؤٹ ہونے کے بعد غصے میں آگئے اور کیچ سے متعلق امپائر سے بحث کرتے دکھائی دیے۔

بنگلہ دیشی کپتان نجم الحسن شنتو نے ریویو لیا تو الٹرا ایج میں انہیں آؤٹ قرار دیا گیا۔