لاہور کے بعد ایک اور شہر میں الیکٹرک ٹرام بسیں چلانے کا فیصلہ کیا گیا ہے تاہم ٹرام بسوں کے ساتھ الیکٹرک میت بسیں بھی چلائی جائیں گی۔
پنجاب کے دارالخلافہ لاہور میں الیکٹرک ٹرام بسیں چلانےکے فیصلے کے بعد اب ملک کے دارالحکومت اسلام آباد میں بھی الیکٹرک ٹرام بسیں چلانے کا فیصلہ کیا گیا ہے۔
وفاقی دارالحکومت میں صرف الیکٹرک ٹرام بسیں ہی نہیں چلیں گی بلکہ الیکٹرک میت بسیں بھی چلائی جائیں گی۔
اے آر وائی نیوز کے مطابق اسلام آباد میں الیکٹرک ٹرام بسیں چلانے کا فیصلہ کیپٹل ڈیولپمنٹ اتھارٹی (سی ڈی اے) کے اجلاس میں کیا گیا جو چیئرمین محمد علی رندھاوا کی زیر صدارت ہوا۔
اجلاس میں اسلام آباد میں جدید ترین ٹرانسپورٹ سسٹم متعارف کرانے کے منصوبوں پر تبادلہ خیال کیا گیا اور متعلقہ حکام نے بریفنگ دیتے ہوئے بتایا کہ الیکٹرک بسوں کے منصوبے کے تحت مسافروں کی یومیہ تعداد 90 ہزار سے تجاوز کر چکی ہے۔
اس موقع پر چیئرمین سی ڈی اے نے بسوں کو معذور افراد اور خواتین کے لیے بھی موافق بنانے کی ہدایت کی اور منصوبے کی مکمل فزیبلٹی رپورٹ پر مکمل ورکنگ کی ہدایت بھی کی۔
چیئرمین سی ڈی اے نے اسلام آباد کے شہریوں کے لیے الیکٹرک میت بسیں چلانے کی بھی ہدایت کی جب کہ منصوبے کے تحت سی ڈی اے ملازمین کے لیے بھی چار الیکٹرک بسیں چلائی جائیں گی۔
https://urdu.arynews.tv/electric-tram-service-to-be-launched-in-lahore/