ڈیووس : کوکا کولا کمپنی کے سی ای او نے پاکستان میں سرمایہ کاری بڑھانے کی یقین دہانی کراتے ہوئے پاکستان میں کاروبار میں آسانی کیلئے اقدامات پر اظہار اطمینان کیا۔
تفصیلات کے مطابق وزیراعظم سے کوکا کولا کمپنی کے سی ای او جیمز کوئین سے کی ملاقات ہوئی، ملاقات ورلڈاکنامک فورم کی سائیڈ لائن پر ہوئی ، جس میں سرمایہ کاری کے مواقع پر تبادلہ خیال کیا گیا، ملاقات میں مشیرتجارت ،مشیرخزانہ،معاون خصوصی زلفی بخاری شریک تھے۔
وزیراعظم عمران خان نے کمپنی کی پاکستان سے طویل شراکت داری کو سراہتے ہوئے کہا حکومت کاروبارمیں آسانی کیلئے ریفارمز ایجنڈے پر کام کررہی ہے، سرمایہ کاری بڑھنے سے روزگار میں اضافہ،غربت میں کمی آئے گی، غیرملکی سرمایہ کاروں کوتعاون کی یقین دہانی کراتےہیں۔
Mr. James Quincey, Chairman & CEO of Coca-Cola Company called on Prime Minister @ImranKhanPTI at Davos, on the sidelines of WEF Annual Meeting 2020. #ImranKhanInDavos#Davos2020 #WEF2020 #PakistanAtDavos2020 pic.twitter.com/IkilbYT64P
— Prime Minister’s Office, Pakistan (@PakPMO) January 23, 2020
کمپنی کےسی ای او نے پاکستان میں کاروبار میں آسانی کیلئے اقدامات پر اظہار اطمینان کرتے ہوئے پاکستان میں سرمایہ کاری بڑھانےکی یقین دہانی کرادی۔
مزید پڑھیں : کلین گرین پروگرام سے موسمیاتی تبدیلی کے اثرات دور کر رہے ہیں: وزیر اعظم
خیال رہے ڈیووس میں وزیراعظم عمران خان کی ورلڈ اکنامک فورم کی سائیڈ لائنز پر ملاقاتیں جاری ہیں، وزیراعظم نے اردن کے وزیراعظم، ایگزیکٹو چیئرمین ورلڈ اکنامک فورم ، یورپی پارلیمنٹ کے صدر ڈیوڈ ساسولی اور امریکی صدر ڈونلڈ ٹرمپ کی صاحبزادی ایوانکا ٹرمپ سے ملاقاتیں کیں۔
وزیراعظم نے ایگزیکٹو چیئرمین ورلڈ اکنامک فورم سے ملاقات میں کہا کہ ورلڈ اکنامک فورم غربت کے خاتمے اور تعلیم میں پاکستان کا پارٹنر بنے،کلین گرین پاکستان پروگرام کے ذریعےماحولیاتی تبدیلی کا مسئلہ حل کرنےکی کوشش کررہے ہیں۔
عمران خان کی امریکی صدرٹرمپ کی صاحبزادی اور مشیر ایوانکا سے ملاقات میں تعلیمی پروگرام پرگفتگو ہوئی، علاوہ ازیں وزیراعظم سے فیس بک کی چیف آپریٹنگ آفیسر، یوٹیوب کی سی ای او،سیمنز کمپنی کے سی ای او سمیت دیگرعالمی رہنماوں، کاروباری شخصیات سمیت سرمایہ کاروں نے بھی ملاقاتیں کیں۔