اسلام آباد: وزیر اعظم عمران خان کا کہنا ہے کہ میرا وژن ہے کہ شہروں میں کثیر المنزلہ عمارتوں کی اجازت ہو اور بڑی عمارتوں کے سامنے سبزہ زار کے لیے زیادہ جگہ مختص کی جائے۔
تفصیلات کے مطابق وزیر اعظم عمران خان نے سماجی رابطے کی ویب سائٹ ٹویٹر پر اپنے ٹویٹ میں کہا کہ مستقبل کے شہروں سے متعلق میرا ایک وژن ہے، میرا وژن ہے شہروں میں کثیر المنزلہ عمارتوں کی اجازت ہو۔
My vision for our future cities: to allow buildings to rise vertically & allow for more green spaces as Pak is one of the the most environmentally-threatened countries. Avoiding large sprawling built-up areas will also allow easier provision of amenities to our urban dwellers. pic.twitter.com/pYLgjpeHMc
— Imran Khan (@ImranKhanPTI) March 2, 2019
وزیر اعظم کا کہنا تھا کہ بڑی عمارتوں کے سامنے سبزہ زار کے لیے زیادہ جگہ مختص کی جائے، پاکستان ماحولیاتی آلودگی سے متاثر ہونے والے ممالک میں شامل ہے۔ ہاؤسنگ سوسائٹیز ہماری زرعی اراضی کھا گئیں۔
مزید پڑھیں: شہری زراعت ۔ مستقبل کی اہم ضرورت
انہوں نے مزید کہا کہ مستقبل میں فوڈ سیکیورٹی سے متعلق ہمیں اس کے نتائج کا سامنا ہوگا، عمارات کی تعمیر کے لیے عالمی معیار کے سیفٹی اسٹینڈرز کے لیے قانون سازی کر رہے ہیں۔
Our arable land is being eaten up by housing societies and has grave consequences for our food security in the future. Also, we are in the process of making laws to allow buildings, built to international safety standards, to go as high as in other cities across the world. https://t.co/bvKcFpmF1U
— Imran Khan (@ImranKhanPTI) March 2, 2019
خیال رہے کہ گزشتہ روز پنجاب کابینہ کے اجلاس کی صدارت کرتے ہوئے وزیر اعظم نے اسی حوالے سے ہدایات جاری کی تھیں کہ زرعی رقبے پر کسی ہاؤسنگ اسکیم کی منظوری نہ دی جائے۔
پنجاب کابینہ کے اجلاس کے دوران وزیر اعظم کا کہنا تھا کہ زرعی رقبے پر کسی ہاؤسنگ اسکیم کی منظوری نہیں دی جائے گی۔ اجلاس میں رقبے کے زیادہ استعمال کو روکنے کے لیے بھی نئی حکمت عملی کی منظوری دی گئی۔
ذرائع کے مطابق زمین پر پھیلاؤ کی بجائے بلند و بالا عمارتیں تعمیر کی جائیں گی، فیصلے کا مقصد رقبے کا کم استعمال عمل میں لانا ہے۔