اسلام آباد : وزیراعظم عمران خان کے رواں ماہ ملائیشیا کے دورے کا امکان ہے ، دورے کے دوران عمران خان ملائیشین ہم منصب مہاتیر محمد سے ملاقات کریں گے۔
تفصیلات کے مطابق ذرائع کا کہنا ہے کہ وزیراعظم عمران خان کے رواں ماہ کے آخر میں ملائیشیا کے دورے کا امکان ہے، جہاں وزیراعظم عمران خان ملائیشین ہم منصب مہاتیرمحمد سے ملاقات کریں گے۔
یاد رہے گذشتہ سال دسمبر میں ملائیشین وزیراعظم نے عمران خان کیلئے پروٹون 70 گاڑی کا تحفہ بھیجا تھا، جسے مشیر تجارت عبدالرزاق داؤد وزیراعظم کی جانب سے وصول کیا۔
مزید پڑھیں : مہاتیر محمد کا وزیراعظم عمران خان کو پروٹون گاڑی کا تحفہ
یاد رہے کہ گذشتہ سال مارچ میں ملائیشین وزیراعظم مہاتیر محمد تین روزہ دورے پر پاکستان پہنچے تھے ، جہاں اُن کا نور خان ایئربیس پر وزیراعظم عمران خان نے شانداراستقبال کیا اور مہمان کے اعزاز میں اکیس توپوں کی سلامی دی گئی۔
ملائیشین وزیراعظم نے ایک روز بعد پروٹون گاڑیوں کا پلانٹ پاکستان میں لگانے کا اعلان کرتے ہوئے کہا تھا کہ اس کا مقصد دونوں ممالک کی تجارتی شراکت داری کو قائم کرنا ہے۔