ریاض : وزیراعظم شہباز شریف کی سعودی ولی عہد محمد بن سلمان سے ملاقات میں دوطرفہ تعلقات کونئی بلندیوں تک پہنچانے اور بڑھانےپراتفاق کرلیا گیا۔
تفصیلات کے مطابق وزیراعظم شہباز شریف نے سماجی رابطے کی ویب سائٹ پر سعودی ولی عہد محمد بن سلمان سے ملاقات کے حوالے سے بتایا کہ سعودی عرب کے ولی عہدشہزادہ محمد بن سلمان سے اچھی ملاقات ہوئی، ملاقات میں دو طرفہ تعلقات کونئی بلندیوں تک پہنچانے اور بڑھانے پر اتفاق کیا۔
شہباز شریف کا کہنا تھا کہ سعودی ولی عہد کو بتایا کہ پاکستان کے لوگ ان کے دورے کے بے صبری سے منتظر ہیں۔
Just had excellent meeting with HRH Cown Prince Mohammed Bin Salman. We agreed to upgrade & enhance bilateral ties & fraternal bonds b/w 🇵🇰 & 🇸🇦 to new heights in line with the requirements of changing world. I told HRH people of Pakistan are eagerly looking forward to his visit.
— Shehbaz Sharif (@CMShehbaz) October 25, 2022
یاد رہے وزیراعظم شہبازشریف دارالحکومت ریاض میں فیوچر انوسٹمنٹ انیشیٹو سربراہی اجلاس سے خطاب کے ملاقات کے لیے پہنچے تو سعودی ولی عہد شہزادہ محمد بن سلمان نے مرکزی دروازے پروزیراعظم کا پرتپاک استقبال کیا تھا۔
سعودی ولی عہد شہزادہ محمد بن سلمان نے وزیراعظم سے گرمجوشی سے مصافحہ کیا۔ ملاقات میں دوطرفہ تعلقات کے فروغ اور اقتصادی شعبے میں تعاون مزید مضبوط بنانے پر تبادلہ خیال کیا گیا ہے۔
گزشتہ روز وزیراعظم نے عمرے کی ادائیگی بھی کی ، اس موقع پر سیکورٹی کے سخت انتظامات کئے گئے تھے۔