اسلام آباد: وزیر اعظم شہباز شریف کے حکم پر ایف بی آر کے 12 اعلیٰ افوسران کو عہدوں سے ہٹا دیا گیا ہے۔
اے آر وائی نیوز کے مطابق گریڈ 21 اور 22 کے 12 افسران کو عہدوں سے ہٹا کر ان کی خدمات ایف بی آر ایڈمن پول کے سپرد کی گئی ہیں جس کا نوٹیفکیشن بھی جاری کردیا گیا ہے۔
ممبر کسٹمز اکاؤنٹنگ مکرم جاہ انصاری کی خدمات ممبر ایڈمن پول کے سپرد کی گئی ہیں جبکہ ممبر کسٹمز آپریشن ڈاکٹر فرید اقبال قریشی کو ایڈمن پول بھجوادیا گیا ہے۔
نوٹیفکیشن کے مطابق ممبرآئی آر پالیسی آفاق قریشی کی خدمات بھی ایڈمن پول کے سپرد کی گئی ہیں جبکہ شاہ بانو خان ڈی جی آئی او سی او کو ممبر ایڈمن پول بھیجا گیا ہے۔
ڈاکٹر فرید اقبال قریشی ممبر کسٹمز آپریشن کو ممبرایڈمن پول بھیج دیا گیا ہے۔
نوٹیفکیشن میں بتایا گیا ہے کہ حیدرعلی دھریجہ چیف کمشنر کراچی کو ممبرایڈمن پول بھیج دیا گیا ہے، محمداعظم شیخ ڈی جی انٹرنل آڈٹ کوممبرایڈمن پول بھجوا دیا گیا ہے۔
چیف کلکٹراپریزمنٹ کراچی محمد سلیم کی خدمات ممبرایڈمن پول کے سپرد کی گئی ہیں، چیف کمشنر آر ٹی او کراچی ٹوعبد الوحید اوکیلی کی خدمات بھی ممبرایڈمن پول کے سپرد کی گئی ہیں۔
علاوہ ازیں چیف کمشنر آر ٹی او اسلام آباد خورشید مروت کی خدمات بھی ممبرایڈمن پول کے سپرد کی گئی ہیں۔