اسلام آباد: وزیر اعظم پاکستان شہباز شریف نے ایک بار پھر چیئرمین پاکستان تحریک انصاف عمران خان پر تنقید کے تیر چلا دیے۔
مائیکرو بلاگنگ ویب سائٹ ٹوئٹر پر جاری اپنے ایک بیان میں وزیر اعظم شہباز شریف نے کہا کہ عمران نیازی نواز شریف کو سیاسی منظر نامے سے ہٹانے کی مہم کا حصہ تھے۔
شہباز شریف نے کہا کہ مسلم لیگ (ن) کو احتساب کے نام پر انتقام کا نشانہ بنایا گیا، عمران خان نے 2013 سے ملک کو انتشار اور افراتفری کا شکار کیا ہوا ہے۔
انہوں نے اپنی ٹوئٹ میں مزید کہا کہ عمران خان کی سیاست نے معاشرے کو تقسیم اور ریاستی اداروں کو کمزور کیا، ان کے منفی طرز عمل نے سیاسی کلچر کو زہر آلود کر دیا۔
Imran Niazi has been part of a grand design to oust Nawaz Sharif & victimize PML-N in the name of accountability. From 2013 on, he has been an agent of anarchy & chaos in the country. His poisonous rants have debased politics, polarised society & undermined state institutions.
— Shehbaz Sharif (@CMShehbaz) January 22, 2023