اسلام آباد : وزیراعظم شہبازشریف نے امریکا کے عوام اور حکومت کو یوم آزادی کی مبارکباد دیتے ہوئے کہا بائیڈن انتظامیہ کے ساتھ ہر سطح پر رابطہ قائم کرنے کےخواہاں ہیں۔
تفصیلات کے مطابق وزیراعظم شہبازشریف نے سماجی رابطے کی ویب سائٹ ٹوئٹر پر امریکا کے عوام اور حکومت کو یوم آزادی کی مبارکباد دہتے ہوئے کہا کہ امریکا سے تجارت اور سرمایہ کاری سمیت باہمی تعلقات کو فروغ دینا چاہتے ہیں اور بائیڈن انتظامیہ کے ساتھ ہر سطح پر رابطہ قائم کرنے کے خواہاں ہیں۔
It is my pleasure to extend heartiest felicitations & greetings to the people & government of the United States on their Independence Day. My govt looks forward to engaging with the Biden Administration at all levels to promote our bilateral relations including trade & investment
— Shehbaz Sharif (@CMShehbaz) July 4, 2022
خیال رہے کہ دنیا کی سپر پاور امریکا کے شہری آج یوم آزادی منا رہے ہیں، آج ہی کے دن امریکا کی عوام نے 4 جولائی سنہ 1776 میں برطانیہ کے تسلط سے آزادی حاصل کی تھی۔ اسی لیے ملک بھر میں 4 جولائی جو سرکاری سطح پر عام تعطیل ہوتی ہے۔
یوم آزادی کے موقع پر پریڈ، پکنک، آتش بازی کے مظاہرے بھی کیے جاتے ہیں . موسیقی کی محافل بھی منعقد ہو رہی ہیں۔ نیشنل مال پر آتش بازی اور محفل موسیقی کی ایک شاندار تقریب ہونے والی تھی۔ جسے دیکھنے کے لیے امریکا کے گوش و کنار میں بسنے والے لاکھوں افراد واشنگٹن پہنچ چکے ہیں۔