اسلام آباد: وزیر اعظم شہباز شریف کا کہنا ہے کہ ہمیں صدی کے سب سے بڑے چیلنج کا سامنا ہے، ہمارا فرض ہے کہ ہم اپنی آئندہ نسلوں کے لیے صاف ستھرا ماحول چھوڑیں۔
تفصیلات کے مطابق وزیر اعظم شہباز شریف نے سماجی رابطے کی ویب سائٹ ٹویٹر پر اپنے ٹویٹ میں کہا کہ موسمیاتی تبدیلی پر عالمی رہنماؤں میں بات چیت ہماری جدوجہد کی عکاس ہوگی۔
وزیر اعظم کا کہنا تھا کہ ہمیں صدی کے سب سے بڑے چیلنج کا سامنا ہے، ہمارا فرض ہے کہ ہم اپنی آئندہ نسلوں کے لیے صاف ستھرا ماحول چھوڑیں۔
The deliberations by the world leaders will shape the future of our struggle against climate change. What we face today is the challenge of the century. We have a duty to leave a clean & green environment to our coming generations. At #COP27, we should vow to succeed at all costs
— Shehbaz Sharif (@CMShehbaz) November 7, 2022
انہوں نے مزید کہا کہ کوپ 27 میں ہمیں ہر قیمت پر کامیاب ہونے کا عہد کرنا چاہیئے۔
خیال رہے کہ وزیر اعظم رواں برس مصر میں ہونے والی سالانہ کلائمٹ چینج کانفرنس کوپ 27 میں شرکت کے لیے شرم الشیخ پہنچ چکے ہیں۔
Off to Egypt to attend #COP27
— Shehbaz Sharif (@CMShehbaz) November 6, 2022