برلن اولمپکس میں تاریخ رقم ہونے پر وزیراعظم بھی خوش

برلن میں جاری اسپیشل اولمپکس ورلڈ گیمز میں پاکستانی سیف اللہ سولنگی نے ایک ہی روز میں چار میڈلز اپنے نام کر کے تاریخ رقم کردی جس پر وزیراعظم شہباز شریف بھی نہال ہوگئے۔

اے آر وائی نیوز کے مطابق برلن میں جاری اسپیشل اولمپکس ورلڈ گیمز میں پاکستانی سیف اللہ سولنگی نے ایک ہی روز میں چار میڈلز اپنے نام کر کے تاریخ رقم کردی جس پر وزیراعظم شہباز شریف نے ایتھلیٹ کو مبارکباد پیش کرتے ہوئے اس نوجوانوں کے لیے روشن مثال قرار دیا ہے۔

وزیراعظم نے سیف اللہ سولنگی کے سماجی رابطوں کی ویب سائٹ ٹوئٹر پر تہنیتی پیغام جاری کیا ہے۔

اس حوالے سے شہباز شریف نے اپنے ٹویٹ میں لکھا کہ سیف اللہ سولنگی نے اسپیشل اولمپکس ورلڈ گیمز برلن میں ریکارڈ قائم کر دیا ہے۔