لاہور: پاکستان مسلم لیگ ن کے رکن قومی اسمبلی چودھری اشرف کو عدالت نے جیل بھجوا دیا۔
تفصیلات کے مطابق مقامی عدالت نے مسلم لیگ نون کے رکن قومی اسمبلی چودھری اشرف کو سرکاری اراضی کے دستاویزات میں رد بدل کرنے کے کیس میں جوڈیشل ریمانڈ پر جیل بھجوا دیا۔
اینٹی کرپشن حکام نے سرکاری زمین کی دستاویزات میں رد و بدل کرنے کے الزام میں مسلم لیگ نون کے رکن اسمبلی چودھری اشرف کو دو روزہ جسمانی ریمانڈ کے بعد عدالت میں پیش کیا تھا۔
محکمہ اینٹی کرپشن کے وکیل نے بتایا کہ مزید تفتیش کے لیے جسمانی ریمانڈ میں توسیع دی جاٸے۔ جب کہ مسلم لیگ نون کے رکن اسمبلی کے وکیل نے جسمانی ریمانڈ کی مخالفت کی اور استدعا کی کہ مقدمہ خارج کیا جائے۔
عدالت نے وکلا کے دلاٸل سننے کے بعد چوہدری اشرف کو جوڈیشل ریمانڈ پر جیل بھجوا دیا، عدالت نے تفتیشی افسر کو ہدایت کی کہ چالان کے متعلق رپوٹ جلد پیش کی جاٸے۔