کون کہاں سے الیکشن لڑے گا؟ مسلم لیگ ن نے اعلان کردیا

لاہور : الیکشن 2024 میں مسلم لیگ ن کے لاہور سمیت قومی اسمبلی کے کئی حلقوں سے میدان میں اترنے والے امیدواروں کے نام سامنے آگئے۔

تفصیلات کے مطابق مسلم لیگ ن نے لاہور سمیت قومی اسمبلی کے کئی حلقوں کے امیدوار فائنل کرلیے ہیں۔

ذرائع نے بتایا کہ این اے 117 پر ن لیگ آئی پی پی کے علیم خان کوسپورٹ کرےگی جبکہ این اے 118پر حمزہ شہباز اور این اے119 پر مریم نواز امیدوار ہوں گی۔

ذرائع کا کہنا تھا کہ این اے 120 پرعلی پرویزملک یاسردارایاز صادق امیدوار ہوں گے جبکہ مریم نواز نےاین اے 121 پر شیخ روحیل اصغر کی حمایت کردی ہے۔

این اے 122 پر سعد رفیق، این اے 123 پر شہبازشریف ، این اے124 پر رانامبشر اور این اے 125 پر ملک سیف الملوک کھوکھر امیدوار ہوں گے۔

ملک افضل کھوکھر این اے 126 ، عطا تارڑ این اے 127، میاں نعمان این اے 128، وحیدعالم خان این اے 129 سے امیدوار ہوں گے۔

لاہور:نواز شریف این اے 130سےالیکشن میں حصہ لیں گے جبکہ نواب شیروسیر اور راجہ ریاض کوبھی قومی اسمبلی کا ٹکٹ ملےگا۔

لاہور سمیت پنجاب اسمبلی کی نشستوں پر اختلافات برقرار ہیں، ن لیگ اگلے2 روز میں حتمی امیدواروں کےناموں کااعلان کرے گا۔