کراچی : ہجرت کالونی سے اغوا ہونے والی چار سالہ ماہر ہ کا کچھ پتا نہ سکا تاہم پولیس نے اغوا کا مقدمہ درج کرکے تفتیش شروع کردی ہے۔

تفصیلات کے مطابق کراچی میں ہجرت کالونی سے اغوا ہونے والی چار سالہ بچی ماہراہ کو بازیاب کرانے میں پولیس تاحال ناکام ہے، تاہم اغوا کا مقدمہ درج کر لیا گیا ہے، پولیس نے تفتیش اینٹی وائلنٹ کرائم سیل (AVCC) کے سپرد کر دی۔

چار سالہ مائرہ دختر اسرار گھر کے باہر کھیلتے ہوئے لاپتہ ہوگئی، واقعے کی سی سی ٹی وی فوٹیج بھی سامنے آئی ، جس میں بچی کی بڑی بہن کو اغوا کاروں کے پیچھے بھاگتے دیکھا جاسکتا ہے

والد کے مطابق بچی کی بڑی بہن نے روکنے کی کوشش کی لیکن اغوا کار بیٹی کو لے کر فرار ہوگئے ، اغوا کاروں نے 15 لاکھ روپے تاوان طلب کیا ہے۔

مزید پڑھیں : کراچی میں 4 سال کی بچی مبینہ طور پر اغوا، 15 لاکھ روپے تاوان طلب

حکام کا کہنا ہے کہ ملزمان کی تلاش کے لیے تکنیکی بنیادوں پر چھاپے مارے جا رہے ہیں اور جلد بچی کو بازیاب کرالیا جائے گا۔

گذشتہ روز کراچی کے علاقے سر سید تھانے کی حدود میں 4 سالہ بچے کو اغوا کرنے کی کوشش ناکام بنا دی گئی تھی۔

پولیس نے کہا تھا کہ ملزمان چار سالہ موسیٰ کو گاڑی میں لے جا رہے تھے کہ ایک شہری نے واردات دیکھ کر پولیس کو اطلاع دی۔

مددگار 15 اور موٹر سائیکل اسکارڈ نے فوری ملزمان کا پیچھا کیا، اہلکاروں کو دیکھتے ہی ملزمان بچے کو گاڑی میں چھوڑ کر موقع سے فرار ہوگئے تھے۔