لاہور: وزیر اعلیٰ پنجاب مریم نواز نے تمام بورڈز کے پوزیشن ہولڈرز طلبہ کو انعام دینے کی منظوری دے دی۔
حکومت پنجاب نے پوزیشن ہولڈرز طلبہ کو انعام دینے کا فیصلہ کیا جبکہ وزیر اعلیٰ کی ہدایت پر طلبہ کے ٹیچرز کو بھی انعام دیا جائے گا۔
طلبہ کیلیے مریم نواز نے اسٹوڈنٹس اسکالرشپ کی بھی منظوری دی جس کے مطابق 25 ہزار طالب علموں کے تمام تعلیمی اخراجات حکومت پنجاب ادا کرے گی۔
حکومت پنجاب 25 ہزار طلبہ کے تعلیمی اخراجات کیلیے سالانہ سوا سو ارب سے زائد ادا کرے گی۔
مریم نواز کی ہدایت پر طالبات کیلیے ٹرانسپورٹ پروگرام کا بھی آغاز کیا جا رہا ہے جس کے تحت 60 گرلز کالجز کو پہلے مرحلے میں بسیں دی جائیں گی۔
وزیر اعلیٰ نے تمام اضلاع میں آئی ٹی حب کے قیام کی بھی منظوری دی اور فوری اقدامات کا حکم دیا۔ مریم نواز نے خصوصی اجلاس کی صدارت کرتے ہوئے لیپ ٹاپ سکیم کیلیے ضروری اقدامات کی ہدایت کی۔
مریم نواز کی زیرِ صدارت اجلاس میں مذکورہ فیصلے کیے گئے جس میں سینئر صوبائی وزیر مریم اورنگزیب، صوبائی وزیر تعلیم رانا سکندر حیات، چیف سیکرٹری زاہد اختر زمان، پرنسپل سیکرٹری ساجد ظفر ڈال اور سیکرٹری ہائر ایجوکیشن ڈاکٹر فرخ نوید کی شرکت