کراچی: پیپلزپارٹی نے سندھ بھر کے لیے قومی اور صوبائی اسمبلی امیدواروں کے ناموں کا اعلان کردیا۔
اے آر وائی نیوز کے مطابق پیپلزپارٹی قیادت سندھ کی 9 صوبائی نشستوں پر امیدواروں کا فیصلہ نہیں کرسکی ہے جبکہ آصف علی زرداری این اے 207 نوابشاہ سے الیکشن لڑیں گے۔
بلاول بھٹو این اے 194 لاڑکانہ، این اے 196 قمبر شہداد کوٹ سے حصہ لیں گے، فریال تالپور پی ایس 10، آغا سراج درانی کو پی ایس 9 سے ٹکٹ جاری کیا گیا ہے۔
پی ایس 77 سے مراد علی شاہ، پی ایس 61 سے شرجیل میمن کو ٹکٹ جاری کیا گیا ہے، ناصر حسین شاہ پی ایس 25 سکھر سے الیکشن لڑیں گے، این اے 209 سے شازیہ مری کو ٹکٹ جاری کیا گیا ہے۔
فنکشنل لیگ چھوڑ کر پی پی میں آنے والے شہریار مہر کو این اے 193 کے لیے ٹکٹ جاری کیا گیا ہے، ایم کیو ایم سے پی پی میں شامل ہونے والے وسیم قریشی پی ایس 123 سے الیکشن لڑیں گے۔
ترجمان پیپلزپارٹی کا کہنا ہے کہ این اے 229 ملیر سے جام عبدالکریم جوکھیو کو پی پی کا ٹکٹ جاری کیا گیا ہے، این اے 230 سے آغا رفیع اللہ، این اے 231 سے حکیم بلوچ الیکشن لڑیں گے۔
این اے 235 سے آصف خان، این اے 236 سے مزمل قریشی کو ٹکٹ دیا گیا ہے، این اے 237 سے اسد عالم نیازی پیپلزپارٹی کے امیدوار ہوں گے۔
این اے 238 سے ظفر جھنڈیر، این اے 239 لیاری سے نبیل گبول کو ٹکٹ جاری کیا گیا ہے، این اے 241 سے مرزا اختیار بیگ، این اے 242 سے قادر مندوخیل پی پی امیدوار ہوں گے۔
ترجمان پیپلزپارٹی کا کہنا ہے کہ این اے 243 سے قادر پٹیل، این اے 244 سے عبدالبر پی پی امیدوار ہیں، این اے 245 سے صدیق اکبر، این اے 246 سے وسیم اختر کو ٹکٹ جاری کیا گیا ہے۔
این اے 247 سے معاذ شیخ، این اے 248 سے محمد حسن کو پی پی کا ٹکٹ جاری کیا گیا ہے، این اے 249 سے راؤ وحید پی پی امیدوار ہوں گے۔
ترجمان پی پی کا کہنا ہے کہ این اے 220، 240، 250 کے امیدواروں کا فیصلہ بعد میں کیا جائے گا۔