الیکشن کمیشن نے ضابطہ اخلاق کی خلاف ورزی پر پیپلزپارٹی کے مرکزی رہنما راجا پرویز اشرف پر جرمانہ عائد کر دیا۔
تفصیلات کے مطابق این اے 133ضمنی انتخاب میں ضابطہ اخلاق کی خلاف ورزی پر الیکشن کمیشن نے راجا پرویز اشرف پر جرمانہ عائد کیا۔
ضابطہ اخلاق کی خلاف ورزی پر راجا پرویزاشرف پر 49 ہزار 500 روپے جرمانہ کیا گیا ہے۔
ڈی آراونے راجہ پرویز اشرف کو پی پی امیدوارکی انتخابی مہم چلانےپرطلب کیا تھا تاہم راجہ پرویز اشرف وضاحت کیلئے ذاتی حیثیت میں پیش نہیں ہوئے جس پرجرمانہ کیاگیا۔
دوسری جانب عدالت عظمیٰ نے ن لیگ کے سینیٹر اعظم نذیر تارڑ ایڈووکیٹ کو عدم حاضری پر جرمانہ عائد کر دیا۔ن لیگ کے رہنما کیپٹن (ر) صفدر اعوان کے بھائی اور سابق جج اعجاز افضل کے بھائی میں جائیداد کا تنازعہ کے مقدمے کی سماعت ہوئی۔
اس موقع پر کیپٹن (ر) صفدر کے بھائی سجاد اعوان کے وکیل سینیٹر اعظم نذیر تارڑعدالت میں پیش نہیں ہوئے جس پر سپریم کورٹ نے ان پر10ہزار روپے جرمانہ عائد کردیا۔