ممبئی: سپر اسٹار اداکار پرابھاس کی سالار نے اوپننگ ڈے بزنس میں شاہ رخ کی جوان کو پیچھے چھوڑ دیا۔
بھارتی میڈیا رپورٹس کے مطابق ساؤتھ سپر اسٹار پرابھاس کی سالار نے پہلے دن 178 کروڑ کا بزنس کرکے ہندی سنیما کے ریکارڈ توڑ دیے اور جوان کو بھی مات دے دی۔
جوان نے اپنے اوپننگ ڈے میں انڈین باکس آفس میں 75 کروڑ کا بزنس کیا جبکہ پرابھاس کی فلم نے 95 سے زائد کا بزنس سمیٹا ہے۔
بھارتی میڈیا ذرائع کے مطابق فلم دو پارٹ میں بنائی جائے گی، پرابھاس ’سالار‘ کے کردار میں جبکہ پرتھوی راج سوکومان ’ورادراجا منرا‘ کے کردار میں ایکشن دیں گے۔
فلم کو بلاک بسٹر سیریز ’کے جی ایف‘ کے دائریکٹر پرشانت نیل بنارہے ہیں اور ’سالار‘ کی کہانی کو ’کے جی ایف‘ کے ساتھ ملایا جائے گا۔
’سالار : سیزفائر1‘ کی کہانی ایک فکشنی شہر خانسار کے گر گھومتی ہے جس پر دنیا کے خطرناک ترین لوگوں نے زبردستی قبضہ کرلیا ہے۔
واضح رہے کہ ’سالار‘ کو 400 کروڑ کے خطیر بجٹ سے بنایا گیا ہے اوراسے 22 دسمبر کو پوری دنیا میں ریلیز کیا گیا ہے۔