اسلام آباد : وزیراعظم شہباز شریف نے سابق جاپانی وزیراعظم کی حملے میں ہلاکت پر تعزیت کا اظہار کرتے ہوئے کہا ہماری دعائیں متاثرہ خاندان کیساتھ ہیں۔
تفصیلات کے مطابق صدر مملکت عارف علوی نے سابق جاپانی وزیراعظم شنزو ایبے کے قتل کی مذمت کرتے ہوئے کہا کہ سابق وزیراعظم کے خاندان،جاپان کےعوام کیساتھ اظہار تعزیت کرتا ہوں۔
عارف علوی کا کہنا تھا کہ میں سابق جاپانی وزیراعظم کیساتھ اپنی ملاقات کو ہمیشہ یاد رکھوں گا، وہ ہمیشہ مسکراتے رہے اور پاکستانی عوام کے مخلص دوست تھے، شنزوایبے کی موت واقعی ایک بہت بڑا نقصان ہے۔
I would like to express my deep condolences to family of ex PM & to people of Japan on the sad demise of the very respected Mr Shinzo Abe. I recall with great fondness, my meetings with him, always smiling, & his sincere friendship with the people of Pakistan. A great loss indeed pic.twitter.com/1Vn4xJ7JoO
— The President of Pakistan (@PresOfPakistan) July 8, 2022
وزیراعظم شہباز شریف نے بھی سابق جاپانی وزیراعظم کی حملے میں ہلاکت پر تعزیت کا اظہار کرتے ہوئے کہا شنزوآبے نے پاک جاپان تعلقات کیلئے اہم کردار ادا کیا، ہماری دعائیں متاثرہ خاندان کیساتھ ہیں اور مشکل وقت میں جاپان کے عوام کیساتھ کھڑے ہیں۔
I extend my profound condolences over the sad demise of former Japanese Prime Minister Shinzo Abe. He made invaluable contributions to the Pakistan-Japan relationship. Our prayers are with bereaved family. At this difficult time, we stand in solidarity with the people of Japan.
— Shehbaz Sharif (@CMShehbaz) July 8, 2022
یاد رہے جاپان کے سابق وزیراعظم قاتلانہ حملے میں ہلاک ہوگئے، شنزو ایبے کو صبح انتخابی ریلی کے دوران گولیاں ماری گئیں، جس کے بعد انہیں تشویشناک حالت میں اسپتال منتقل کیا گیا جہاں وہ جانبر نہ ہوسکے۔
سڑسٹھ سالہ شنزو ایبے سب سے زیادہ عرصے تک جاپان کے وزیراعظم رہے تاہم صحت کی خرابی کے باعث انہوں نے دو سال پہلے استعفیٰ دے دیا تھا۔