اسلام آباد: صدر مملکت ڈاکٹر عارف علوینے اسرائیل کی جانب سے غزہ میں فلسطینیوں پر ظلم کی سخت الفاظ میں کر دی۔
صدر مملکت نے اپنے بیان میں کہا کہ فلسطینیوں پر ہونے والے مظالم اور قتل عام کی مذمت کرتا ہوں، اسرائیل نے بچوں اور خواتین کو قتل کر کے تمام حدیں پار کر دی ہیں۔
عارف علوی نے کہا کہ کبھی بھی اتنے بڑے پیمانے پر ظلم اور بربریت نہیں دیکھی، فلسطینیوں کیلیے پانی، بجلی، خوراک اور ادویات کی فراہمی بھی منقطع کر دی۔
انہوں نے کہا کہ عالمی برادری اسرائیل کو فلسطینی عوام کی نسل کشی سے روکنے میں ناکام ہے، اقوام متحدہ اور او آئی سی اسرائیل کی وحشیانہ کارروائیاں روکنے کیلیے اجلاس بلائیں۔
ان کا کہنا تھا کہ فلسطین میں ضروری طبی امداد، خوراک و دیگر سامان فوری طور پر روانہ کریں، پاکستان فلسطینی عوام کیلیے ایک آزاد ریاست کے قیام کی حمایت کرتا ہے۔
میں غزہ میں فلسطینیوں پر ہونے والے مظالم اور قتل عام کی شدید مذمت کرتا ہوں۔ اسرائیل نے بچوں، خواتین اور معصوم لوگوں کو قتل کرکے تمام حدیں پار کر دی ہیں۔ انسانی تاریخ میں کبھی بھی اتنے بڑے پیمانے پر ظلم اور بربریت نہیں دیکھا گیا جس کا مظاہرہ اسرائیل کررہا ہے۔
— The President of Pakistan (@PresOfPakistan) October 15, 2023