صدر مملکت ڈاکٹر عارف علوی مناسک حج کی ادائیگی کے بعد مدینہ منورہ پہنچ گئے انہوں نے مسجد نبوی ﷺ میں حاضری دی اور نوافل ادا کیے۔
اے آر وائی نیوز کے مطابق صدر مملکت ڈاکٹر عارف علوی مناسک حج کی ادائیگی کے بعد مدینہ منورہ پہنچ گئے انہوں نے روضہ رسول ﷺ پر حاضری دی اور مسجد نبوی میں نماز ظہر ادا کی۔
صدر علوی نے ریاض الجنہ میں بھی نوافل ادا کیے۔ اس موقع پر پاکستان کی ترقی، خوشحالی اور استحکام، امت مسلمہ کی سلامتی اور امّہ کے مسائل کے حل کیلیے خصوصی دعائیں کیں۔
بعد ازاں صدر پاکستان جنت البقیع گئے۔
ظہر کی نماز ادا کی۔ صدر پاکستان نے ریاض الجنّہ میں بھی نوافل ادا کئے۔ مسجد نبوی ﷺ میں بڑی تعداد میں پاکستانیوں نے صدر مملکت کو دیکھ کر خوشی کا اظہار کیا اور پاکستان زندہ باد کے نعرے لگائے جب کہ ڈاکٹر عارف علوی نے ہاتھ ہلاکر انکے نعروں کا جواب دیا۔
اس سے قبل روضہ رسول ﷺ پہنچنے پر مسجد نبویؐ امور کے معاون ڈاکٹر نبیل بن محمد اللحیدان، مسجد نبوی کی سیکیورٹی فورس کے کمانڈر کرنل متعب البدرانی اور دیگر عہدیداروں نے ان کا خیر مقدم کیا۔