وزیراعظم شہبازشریف نے پاکستان سمیت پوری امت مسلمہ کو رمضان کی مبارکباد پیش کی ہے۔
ٹوئٹر اکاؤنٹ پر جاری بیان میں شہبازشریف نے کہا کہ رمضان اللہ کریم کی رحمتوں اور برکتوں کا خصوصی مہینہ ہے امت مسلمہ اور پاکستان کی بہتری کیلئےخصوصی دعائیں کریں۔
رمضان المبارک کے آغاز پر پوری قوم اور عالم اسلام کو مبارکباد پیش کرتا ہوں۔ یہ مہینہ ہمیں خود احتسابی، پابند زندگی گزارنے اور قربانی کا درس دیتا ہے۔ اللہ تعالی ہمیں رمضان المبارک کے فیوض وبرکات سے مستفید ہونے کی توفیق عطا کرے۔ آپ سب کو ماہ صیام مبارک
— Shehbaz Sharif (@CMShehbaz) March 22, 2023
وزیراعظم نے لکھا کہ اللہ سے دعا ہے پاکستان کو معاشی مشکلات، غربت اور مہنگائی سےنجات عطا فرمائے۔
واضح رہے کہ پاکستان، سعودی عرب، یواےای سمیت خلیجی ممالک میں رمضان المبارک کا مہینہ شروع ہو گیا ہے اور مساجد میں نمازتراویح ادا کی جارہی ہے۔