اسلام آباد : پرنس رحیم آغا خان کو پاکستان کیلئے خدمات کے اعتراف میں ‘نشان پاکستان’ کے ایوارڈ سے نواز دیا گیا۔
تفصیلات کے مطابق ایوان صدر میں پرنس رحیم آغا خان کو نشان پاکستان کا ایوارڈ دینے کے لیے خصوصی تقریب کا انعقاد کیا گیا۔
صدر آصف زرداری نے شہزادہ رحیم آغا خان کو پاکستان کیلئے خدمات کے اعتراف میں نشان پاکستان کا ایوارڈ عطا کیا۔
ایوارڈ کمرشل بینکنگ، مائیکروفنانس، انشورنس،سیاحت،قابل تجدید توانائی میں قائدانہ کردار کےاعتراف میں دیا گیا ہے۔
آغا خان ترقیاتی نیٹ ورک نے پاکستان میں تقریباً 5 کروڑافراد کو مالیاتی خدمات تک رسائی بھی فراہم کی ہے۔
بعد ازاں صدر آصف علی زرداری سے شہزادہ رحیم آغا خان نےملاقات کی ، جس میں پاکستان کی سماجی و اقتصادی ترقی میں آغا خان ڈیولپمنٹ نیٹ ورک کےکردار پر تبادلہ خیال کیا گیا۔
صدر کو عوام کی فلاح کیلئےمختلف شعبوں میں آغاخان نیٹ ورک کے کردار اور ترقیاتی منصوبوں کا بتایا گیا۔
آصف زرداری نے ملک کی تعلیمی ترقی پر توجہ دینے کی ضرورت پر زور دیتے ہوئے پاکستان کی سماجی و اقتصادی ترقی میں آغا خان خاندان کے کردار کو سراہا۔
شہزادہ رحیم آغا خان نے نشان پاکستان سے نوازنے پر صدر آصف زرداری کا شکریہ ادا کیا۔