بھارتی ڈرامہ سیریل ’پویتر رشتہ‘ میں منفی کردار سے مشہور ہونے والی اداکارہ پریا مراٹھے کینسر کے باعث 38 سال کی عمر میں چل بسیں۔
بھارتی میڈیا کی رپورٹ کے مطابق اداکارہ پریا مراٹھے کئی سپر ہٹ سیریلز میں اداکاری کی ہے جن میں ‘کسام سے’، ‘پویتر رشتہ’، ‘اترن’ اور ‘ساتھ نبھانا ساتھیا’ شامل ہیں، اتوار 31 اگست کی صبح تقریباً 4 بجے ممبئی میں واقع اپنی رہائش گاہ پر انتقال کر گئیں۔
ان کے خاندان کے مطابق مراٹھے دو سال سے زیادہ عرصے سے کینسر سے لڑ رہی تھیں اور دوران علاج بھی اداکاری کرتی رہیں۔
پریا کے کزن بھائی اداکار سبودھ بھاوے نے ایک انسٹاگرام پوسٹ میں اس افسوسناک خبر کی تصدیق کی اور دلی خراج عقیدت پیش کیا۔ انہوں نے یہ بھی بتایا کہ ان کا کینسر پچھلے سال دوبارہ پھیل گیا تھا جب انہوں نے اس کے آخری پروجیکٹ، مراٹھی سیریل ’تو بھیتاشی نویانے‘ کی شوٹنگ کی تھی۔
سبودھ بھاوے نے لکھا کہ کینسر نے اس کا پیچھا نہیں چھوڑا۔ میری بہن ایک لڑاکا تھی لیکن آخر کار اس کی طاقت کم پڑ گئی۔
واضح رہے کہ پریا مراٹھے کے پسماندگان میں ان کے شوہر شانتنو موگھے ہیں جو مراٹھی سنیما کے تجربہ کار اداکار شری کانت موگھے کے بیٹے ہیں جن سے انہوں نے اپریل 2012 میں شادی کی تھی۔