کراچی : پاکستان سپرلیگ میں کراچی کنگز کی مقبولیت میں روز بروز اضافہ ہونے لگا، اداکار فہد مصطفی، نومی انصاری اور اداکارہ انوشے اشرف بھی کراچی کنگز کو سپورٹرز کرنے اور ٹیم سے نیک تمناؤں کا اظہار کیا۔
کراچی کنگز شہرت کی بلندوں کو چھونے لگی ہیں، دنیائے کرکٹ کے سپراسٹارز کو اپنے سحر میں جکڑنے کے بعد کراچی کنگز نے شوبز شخصیات پر بھی سحرطاری کردیا ہے۔
معروف ہوسٹ اور اداکار فہد مصطفی بھی کراچی کنگز کے سپورٹر نکلے، ٹوئٹر پر کراچی کنگز کا حامی ہونے کا اعلان کردیا۔
Han Bhai Main to khi ko support kar raha hun what about u guys ? #AbKhelKeDikha #KarachiKings #CricketLover pic.twitter.com/No8Yrbimcf
— Fahad Mustafa (@fahadmustafa26) December 27, 2015
شوبز کی شخصیات نومی انصاری، انوشے اشرف ، فیصل قریشی، این اے خالد، عدنان صدیقی نے بھی کراچی کنگز کو پسندیدہ ٹیم قرار دیا اور ساتھ ہی ٹیم سے نیک تمناؤں کا اظہار بھی کیا۔
اس سے قبل پروڈیوسر اور اداکار ہمایوں سعید بھی کراچی کنگزکے رنگ میں رنگے دکھائے دئیے اور ٹوئٹر پر کراچی کنگز کی شرٹ پہن کر محبت کا اظہار کیا۔
All the best #KarachiKings for the #HBLPSL pic.twitter.com/CgHikypvrq
— Humayun Saeed (@iamhumayunsaeed) December 25, 2015
اس سے پہلے کرکٹ کی مشہور ویب سائٹ کرک انفوکی رائے شماری میں کراچی کنگز سب سے مقبول ٹیم قرارپائی تھی۔