اسلام آباد : وزیراعلی پنجاب کےانتخاب میں مداخلت پر تحریک انصاف نے راناثنااللہ اور حکومت پنجاب کے خلاف توہین عدالت کی درخواست دائرکردی۔
تفصیلات کے مطابق وزیراعلی پنجاب کے انتخاب میں مداخلت پر تحریک انصاف نے سپریم کورٹ سے رجوع کرلیا۔
سیکرٹری جنرل تحریک انصاف اسد عمر نے تفصیلات سماجی میڈیا پر جاری کردیں اور پیغام میں کہا کہ رانا ثنا اللہ اور حکومت پنجاب کے خلاف سپریم کورٹ میں توہین عدالت کی درخواست دائرکردی ہے۔
اسد عمرکا کہنا تھا کہ وزیراعلیٰ کے انتخاب کے عمل میں مداخلت،پولیس اوراسپیشل برانچ کااستعمال توہین عدالت ہے، وزیر داخلہ کی کھلی دھمکیاں بھی سپریم کورٹ کے یکم جولائی کے فیصلے کی واضح توہین ہیں۔
Have filed contempt petition against rana Sanaullah and punjab govt in supreme court today. The blatant attempt to interfere in the CM election process, use of. Police & speciql branch and open threats by interior minister are a clear contempt of the july 1 decision of SC.
— Asad Umar (@Asad_Umar) July 20, 2022
سابق وزیر نے کہا کہ سپریم کورٹ سے عدالتی حکم کی ایسی بےتوقیری پر کارروائی کی استدعا کی ہے۔
خیال رہے کہ وفاقی وزیر داخلہ رانا ثنا اللہ کا پریس کانفرنس کرتے ہوئے کہنا تھا کہ 22 جولائی کو چوہدری پرویز الٰہی کو آسانی سے وزیر اعلیٰ پنجاب نہیں بننے دیں گے، اگر لیڈرشپ کی طرف سے منظوری مل جائے تو تحریک انصاف کے 5 سے 7 ارکان اِدھر اُدھر ہوجانا کوئی بڑی بات نہیں بلکہ ہوسکتا ہے اس سے زیادہ لوگ ادھر ادھر ہونے کا بھی ارادہ رکھتے ہوں۔