تحریک انصاف کے رہنما علی محمدخان نے گورنر راج کی دھمکی پر رانا ثنااللہ کو جواب دیتے ہوئے کہا عوام آپ کے گورنر راج کو پیروں تلے کچل کر رکھ دے گی۔
تفصیلات کے مطابق تحریک انصاف کے رہنما علی محمد خان نے پنجاب میں گورنر راج لگانے کی دھمکی پر سماجی رابطے کی ویب سائٹ پر ردعمل دیتے ہوئے کہا کہ گورنر راج نہیں اب صرف عوامی راج ، رانا صاحب شوق پورا کر کے دیکھ لیں۔
علی محمد خان کا کہنا تھا کہ آپ کی پنجاب سے امپورٹڈ حکومت عوامی سیلاب میں بہہ گئی ، پنجاب کےعوام آپ کے گورنر راج کو بھی پیروں تلے کچل کر رکھ دے گی۔
گورنر راج نہیں اب صرف عوامی راج !
رانا صاحب شوق پورا کر کے دیکھ لیں پنجاب کے عوام آپ کے گورنر راج کو اپنے پیروں تلے کچل کے رکھ دے گی جس طرح آپ کی پنجاب کی امپورٹڈ حکومت عوامی سیلاب میں خس و خاشاک کی طرح بہہ گئ۔
— Ali Muhammad Khan (@Ali_MuhammadPTI) July 27, 2022
تحریک انصاف کے رہنما نے ایک اور ٹوئٹ میں لکھا کہ قوم اللہ کےحضور سر بسجود ہو کر 2 رکعت شکرانے کے نوافل ضرور ادا کریں، آگے بھی ظلم و جبر کے امپورٹڈ بت اللہ توڑے گا۔
آج پوری قوم سے التجا ہے سب اہل وطن 🇵🇰 اللّٰہ کے حضور سر بسجود ہو کر 2 رکعت شکرانے کے نوافل ضرور ادا کریں۔
آگے بھی ظلم و جبر کے امپورٹڈ بت اللّٰہ توڑے گا
انشاءاللّٰہ
— Ali Muhammad Khan (@Ali_MuhammadPTI) July 27, 2022