ARYNews.tv | Urdu – Har Lamha Bakhabar

پی ٹی آئی رہنما پرویز خٹک کا پارٹی عہدہ چھوڑنے کا اعلان

پی ٹی آئی رہنما پرویز خٹک کا پارٹی عہدہ چھوڑنے کا اعلان

Written by

ویب ڈیسک

in

,

سابق وفاقی وزیر اور پاکستان تحریک انصاف کے سینئر رہنما پرویز خٹک نے پارٹی عہدہ چھوڑنے کا اعلان کر دیا۔

پرویز خٹک نے پریس کانفرنس کرتے ہوئے کہا کہ کئی دنوں سے سیاسی حالات دیکھ رہا تھا اور اب سوچ سمجھ کر فیصلہ کیا، 9 مئی کو جو کچھ ہوا وہ قابلِ مذمت ہے، ایسے واقعات کی پہلے بھی مذمت کر چکا ہوں۔

سابق وزیر اعلیٰ خیبر پختونخوا نے کہا کہ آئندہ کا لائحہ عمل دوستوں کے ساتھ مشاورت کر کے طے کروں گا، اللہ نہ کرے ملک میں ایسی حرکت دوبارہ ہو، جو ہوا تھا اچھا نہیں تھا، جو پروپیگنڈا ہو رہا ہے درست نہیں۔

انہوں نے بتایا کہ پارٹی عہدہ چھوڑنے کا فیصلہ سوچ سمجھ کر کیا، 9 مئی کے واقعات سے کوئی بھی شخص خوش نہیں ہے، ملک میں سیاسی ماحول بہت خراب ہے، ایسے ماحول میں میرا چلنا مشکل ہے۔

قبل ازیں اے آر وائی نیوز کو ذرائع نے بتایا تھا کہ پی ٹی آئی رہنما اسد قیصر اور پرویز خٹک کو حراست میں لیے جانے کی اطلاع ہے، دونوں کو نامعلوم مقام پر منتقل کر دیا گیا ہے۔

ذرائع نے بتایا تھا کہ اسد قیصر اور پرویز خٹک کسی میٹنگ میں گئے تھے جہاں سے واپس نہیں آئے ہیں، دونوں کے اہل خانہ نے رابطہ کرنے کی کوشش کی تو ان کے نمبرز بھی بند آ رہے ہیں۔

More posts