لاہور : تحریک انصاف نے نواز شریف سے اہم قومی معاملات پر مشاورت پر شہباز شریف کو گرفتار کرکے قانونی کارروائی کا مطالبہ کردیا۔
تفصیلات کے مطابق تحریک انصاف نے شہبازشریف کی نوازشریف سے مشاورت آفیشل سیکرٹ ایکٹ کی خلاف ورزی قرار دے دی۔
مشیرِ اطلاعات پنجاب عمر سرفراز چیمہ نے اپنے بیان میں کہا کہ شہباز نے نواز سے اہم قومی معاملات پر مشاورت کرکے آفیشل سیکرٹ ایکٹ کی خلاف ورزی کی۔
عمرسرفرازچیمہ نے مطالبہ کیا کہ شہباز شریف کو گرفتار کرکے فوری قانونی کارروائی کی ضرورت ہے، 3 وفاقی وزرا اس بات کی تصدیق کرچکے کہ نواز شریف سےمشاورت کی گئی ہے۔
یاد رہے اس سے قبل پاکستان تحریک انصاف نے وزیر اعظم شہباز شریف کی جانب سے لندن میں اپنے بڑے بھائی سے مشاورت پر قانونی چارہ جوئی کا فیصلہ کیا تھا۔
پی ٹی آئی لیگل ٹیم نے شہباز شریف کی لندن میں اشتہاری مجرموں نواز شریف اور اسحاق ڈار سے ملاقات کو وزیر اعظم کے حلف سے رو گردانی قرار دیا تھا، لیگل ٹیم کا کہنا تھا کہ نواز شریف سے مشاورت سیکرٹ ایکٹ کی خلاف ورزی ہے،