اسلام آباد: منی لانڈرنگ کیس میں وزیراعظم شہباز شریف اور حمزہ شہباز کی بریت پر پی ٹی آئی رہنماؤں نے سخت ردعمل کا اظہار کیا ہے۔
تفصیلات کے مطابق فیصل واوڈا نے اے آر وائی نیوز سے خصوصی گفتگو میں کہا کہ آج سے پاکستان میں رشوت کی باقاعدہ اجازت دے دی گئی، نیاقانون بن گیا ہے کہ چوری ڈکیتی میں کروں گااورثابت آپ کو کرنا ہوگی۔
فیصل واوڈا کا کہنا تھا کہ آج کےفیصلےکا خیرمقدم کرناچاہیے ، ہم بھیڑ بکریوں کی طرح ہی چلتے رہیں گے، جیلوں میں باقی لوگ کیوں رکھے ہوئےہیں انہیں بھی رہا کردیں۔
عثمان ڈار نے بھی منی لانڈرنگ کیس میں شہباز اور ان کے بیٹے کی بریت پر کہا کہ اوپن اینڈ شٹ کیس میں بری ہونا بریکنگ نیوزنہیں، جسےفرد جرم عائد ہونے والےدن وزیراعظم بنادیں ماتحت ادارے کیا کرینگے؟۔
عثمان ڈار کا کہنا تھا کہ عمران خان کی جنگ اسی نظام کےخلاف ہے جس میں ادارے تباہ ہورہے ہیں۔
عثمان ڈار نے بھی منی لانڈرنگ کیس میں شہباز اور ان کے بیٹے کی بریت پر کہا کہ اوپن اینڈ شٹ کیس میں بری ہونا بریکنگ نیوزنہیں، جسےفرد جرم عائد ہونے والےدن وزیراعظم بنادیں ماتحت ادارے کیا کرینگے؟۔
عثمان ڈار کا کہنا تھا کہ عمران خان کی جنگ اسی نظام کےخلاف ہے جس میں ادارے تباہ ہورہے ہیں۔
24 ارب روپے کی منی لانڈرنگ شہباز شریف اورحمزہ شریف کے سر پرُواری، عدالتی نظام کے عوام کے منہ پر ایک اور طمانچہ 14 ہزاراکاؤنٹس پر عرق ریزمحنت کے اور فُول پروف مقدمہ یہ پاکستان کے لوگوں کے پیسے ہیں ایک طرف سیلاب زدگان کیلئے پیسے مانگ رہے ہیں دوسری طرف ایک خاندان اربوں روپے کھا گیا
— Ch Fawad Hussain (@fawadchaudhry) October 12, 2022
پی ٹی آئی کے اہم رہنما فواد چوہدری نے عدالتی فیصلے پر ردعمل کا اظہار کرتے ہوئے کہا کہ 24 ارب روپے کی منی لانڈرنگ شہباز شریف اورحمزہ شریف کے سر پرُواری، عدالتی نظام اور عوام کے منہ پر ایک اور طمانچہ ہے۔
واضح رہے کہ اب سے کچھ دیر قبل وزیراعظم شہباز شریف اور ان کے صاحبزادے حمزہ شہباز کو ایف آئی اے منی لانڈرنگ کیس میں بری کردیا گیا تھا۔
اسپیشل سینٹرل کورٹ لاہور نے منی لانڈرنگ کیس میں شہباز شریف اور حمزہ شہباز کی بریت کا فیصلہ سنایا۔