لاہور: چین کے یانٹائی پورٹ سے 100 الیکٹرک بسیں پنجاب کے لیے روانہ ہونے کو تیار ہے۔
وزیر اعلیٰ پنجاب مریم نواز نے ایکس پر اپنے پیغام میں کہا کہ امکان ہے بسیں آج رات سمندر کے راستے سے لائی جائیں گی، بسیں پنجاب کے ان اضلاع میں چلیں گی جہاں طویل عرصے سے پبلک ٹرانسپورٹ کا فقدان ہے۔
انہوں نے کہا کہ اضلاع میں میانوالی، اوکاڑہ، ننکانہ صاحب، وہاڑی، پاکپتن اور ڈی جی خان شامل ہیں، ان علاقوں میں پہلی بار باضابطہ پبلک ٹرانسپورٹ سسٹم متعارف کروائی جائے گی۔
یہ پڑھیں: کسی بھی شہرجانا ہو کرایہ صرف 20 روپے ؟ بڑا اعلان ہوگیا
مریم نواز کا کہنا ہے کہ بس سروس کا کرایہ صرف 20 روپے مقرر کیا جائے گا، بسوں میں اے سی اور وائی فائی سہولت موجود، خود کار ٹکٹنگ سسٹم نصب ہوگا۔
وزیر اعلیٰ پنجاب نے بتایا کہ بسیں معذور افراد کے لیے موزوں ڈیزائن کی گئی ہیں، شہریوں کا محفوظ، آرام دہ اور جدید سفر کی سہولت ملے گی۔
