لاہور (2 ستمبر 2025): پنجاب کی جیلوں میں قید قیدیوں کے ایڈز میں مبتلا ہونے کے حیران کن اعداد و شمار سامنے آگئے۔
محکمہ داخلہ پنجاب کے مطابق صوبے کی جیلوں میں ایڈز میں مبتلا 673 قیدی موجود ہیں، سب سے زیادہ 143 ایڈز کے مریض سنٹرل جیل راولپنڈی میں موجود ہیں۔
یہ بھی پڑھیں: قیدیوں کے اہل خانہ کی آسانی کیلیے زبردست سہولت کا آغاز
ترجمان محکمہ داخلہ نے بتایا کہ ڈسٹرکٹ جیل لاہور میں ایڈز کے مرض میں مبتلا 83 قیدی موجود ہیں، جیلوں میں قیام کے دوران کسی قیدی کو ایڈز نہیں ہوا، مریضوں کی اکثریت منشیات کے مقدمات میں جیل آئی۔
انہوں نے بتایا کہ اسکریننگ کی بدولت بہت سے مریضوں کو مرض کا علم ہوا، جیل داخلے کے وقت اسکریننگ سے مرض کی تشخیص ہوئی۔
ترجمان کے مطابق پنجاب کی جیلوں میں ایڈز کے تمام 673 مریضوں کا علاج جاری ہے، مریضوں کو الگ مختص کردہ بیرکس میں رکھا جاتا ہے۔