لاہور: وزیراعلیٰ پنجاب مریم نواز شریف کی جانب سے عید الفطر پر قیدیوں کو خصوصی عیدی فراہم کی گئی ہے۔
وزیراعلیٰ پنجاب مریم نواز نے عید کے پُرمسرت موقع پر جیلوں میں قید لوگوں کے لیے خصوصی ہدایت جاری کی ہے۔ ان کی ہدایت پرعید کے روز قیدیوں کو اہلخانہ سے ملاقات کی اجازت دی گئی ہے۔
قیدی اہل خانہ سےعید کے اگلے روز بھی صبحِ 9 سے 4 بجے تک ملاقات کرسکیں گے۔ قیدی عید کے پہلے اور دوسرے روز اہل خانہ کو فون کال بھی کرسکیں گے۔
عید کے موقع پر قیدیوں سے ملنے کے لیے آنے والے اہلخانہ انھیں ملاقات کے دوران مٹھائی اور کھانا بھی دے سکیں گے۔