لاہور : پنجاب کے بڑے شہروں میں اربن فلڈنگ کے خطرے کے پیش الرٹ جاری کردیا گیا۔
تفصیلات کے مطابق پی ڈی ایم اے پنجاب نے دریاؤں اوربرساتی نالوں میں سیلابی صورتحال سے متعلق الرٹ جاری کردیا۔
سولہ اور سترہ جولائی کے دوران ڈی جی خان کے برساتی نالوں میں فلیش فلڈنگ کا الرٹ بھی جاری کیا گیا ہے۔
ڈی جی پی ڈی ایم اے کا کہنا ہے ان دو دنوں کے دوران پنجاب کے بڑے شہروں میں اربن فلڈنگ کا خدشہ ہے۔
ان کا مزید کہنا تھا کہ اگلے چھتیس گھنٹے کے دوران جہلم، منگلااورچناب میں درمیانے درجے کے اضافے کا امکان ہے ، جس سے دریائےچناب اورراوی کے ملحقہ نالوں میں بھی درمیانے درجے کی طغیانی کا امکان ہے۔
موسم سے متعلق خبریں
اس کے علاوہ دریائے سندھ میں تربیلا اور چناب میں مرالہ کےمقام پر نچلے درجے کے سیلاب کا خدشہ ہے۔
خیال رہے ملک کے مختلف شہروں میں مون سون کے طوفانی اسپیل نے تباہی مچادی ہے ، پی ڈی ایم کے مطابق پنجاب میں چوبیس گھنٹوں میں تیس شہری جاں بحق اور چھیالیس زخمی ہوئے۔
اوکاڑہ میں سڑکیں دریا کا منظر پیش کرنے لگیں جبکہ فیصل آباد ،بہاولنگراور وزیرآباد میں گلیاں پانی میں ڈوب گئیں۔