پنجابی سنگت کے چیئرمین گوپل سنگھ چاولہ کا بھارتی دہشت گردی کیخلاف ردعمل

پنجابی سنگت کے چیئرمین گوپل سنگھ چاولہ کا کہنا ہے کہ افغانستان میں سکھ عبادت گاہوں پر جتنے حملے ہوئے وہ انڈیا نے کیے اور افغانستان کے راستے جو پشاور میں ٹارگٹ کلنگ ہوتی رہی ، اس میں بھی بھارت ملوث تھا۔

تفصیلات کے مطابق پنجابی سنگت کے چیئرمین گوپل سنگھ چاولہ نے بھارتی دہشت گردی کیخلاف ردعمل دیتے ہوئے کہا کہ ہم عرصے سے چیخ چیخ کر کہہ رہے ہیں کہ انڈیا ایک دہشت گرد ملک ہے۔

گوپل سنگھ چاولہ کا کہنا تھا کہ افغانستان میں سکھ عبادت گاہوں پر جتنے حملے ہوئے وہ انڈیا نے کیے، ان حملوں کا جو مجرم پکڑا گیا وہ کیریلا کا تھا، افغانستان کے راستے جو پشاور میں ٹارگٹ کلنگ ہوتی رہی ، اس میں بھی بھارت ملوث تھا۔

چیئرمین پنجابی سنگت نے کہا کہ بھارت چاہتا ہے کہ دنیا کے سامنے پاکستان کو دہشت گرد دکھایا جائے، بھارت کی جانب سے ہمیں ہمیشہ خالصتانی دہشت گرد کہا گیا، کینیڈین وزیر اعظم نے اس بیانیے کو مسترد کرکےبھارت کو کھلےعام دہشت گردکہا، اسی طرح دیگرممالک بھی قدم اٹھائیں توبھارت کااصل چہرہ دنیامیں بےنقاب ہو سکتا ہے۔

ان کا مزید کہنا تھا کہ بھارت خود کو جمہوری ریاست کہتا ہے جبکہ وہاں اقلیتیں خصوصاً سکھ غیرمحفوظ ہیں، 1947 میں اگر ہم قائداعظم کیساتھ مل جاتے تو آج خالصتان کی 75ویں سالگرہ ہوتی۔