اسلام آباد : سپریم کورٹ نے الیکشن ٹربیونل کے فیصلے کیخلاف اپیل پر حکم نامے میں کہا کہ قاسم سوری کی طلبی کا اشتہارکوئٹہ میں2اخبارات میں دیا جائے۔
تفصیلات کے مطابق سابق ڈپٹی اسپیکر قاسم سوری کی الیکشن ٹربیونل کے فیصلے کیخلاف اپیل کے معاملے پر سپریم کورٹ نے گزشتہ روز کی سماعت کا تحریری حکمنامہ جاری کر دیا۔
جس میں کہا ہے کہ سابق ڈپٹی اسپیکر متعدد بار طلبی کے باوجود جان بوجھ کر پیش نہیں ہورہے اور ان کے بھائی نے عدالتی نوٹس وصول کرنے سے انکارکیا۔
حکم نامے میں کہا گیا ہے کہ سابق ڈپٹی اسپیکراوررکن پارلیمنٹ کی جانب سےایسارویہ افسوسناک ہے۔
سپریم کورٹ نے کہا کہ سابق ڈپٹی اسپیکر کی طلبی کا اشتہارکوئٹہ میں2اخبارات میں دیا جائے اور کے گھر نوٹس چسپاں کیا جائے۔
الیکشن ٹربیونل کے فیصلے کیخلاف اپیل پر آئندہ سماعت 9 جولائی کو ہوگی۔