کراچی : قطر ایئرویز کے طیارے میں 39ہزارفٹ کی بلندی پر خرابی پیدا ہوئی، جس پر طیارے کو کراچی ائیرپورٹ پر ہنگامی لینڈنگ کرنا پڑی۔
تفصیلات کے مطابق دوحہ سے فلپائن جانے والی غیر ملکی پرواز نے کراچی ائیرپورٹ پر ہنگامی لینڈنگ کی۔
ایئرپورٹ ذرائع نے بتایا کہ پاکستان کی فضائی حدود میں انتالیس ہزار فٹ کی بلندی پرغیر ملکی طیارے میں خرابی پیداہوئی ، جس پر پائلٹ نےمےڈےکی کال دی اور ہنگامی لینڈنگ کی اجازت مانگی۔
ذرائع ایوی ایشن کا کہنا تھا کہ طیارہ کراچی جناح ایئرپورٹ پربحفاظت لینڈکرگیا، طیارے میں سوار ایک سو ستاسی مسافروں کو لاؤنج منتقل کردیا گیا ہے۔