بھارتی سیاست دان راہول گاندھی نے آئی سی سی کرکٹ ورلڈ کپ کے فائنل میں ٹیم کا شکست کا ذمہ دار وزیراعظم نریندر مودی کو قرار دے دیا۔
اتوار کو آسٹریلیا احمد آباد میں مینز ون ڈے ورلڈکپ کے فائنل میں ٹورنامنٹ کی ناقابل شکست اور میزبان ٹیم بھارت کو 6 وکٹوں سے ہرا کر چھٹی بار کرکٹ کا عالمی چیمپئن بنا۔
آسٹریلیا اور بھارت کے درمیان فائنل دیکھنے بالی وڈ اداکاروں سمیت بھارتی وزیر اعظم نریندر مودی بھی خصوصی طور پر احمد آباد کے نریند مودی اسٹیڈیم پہنچے۔
آسٹریلیا سے فائنل ہارنے پر جہاں بھارتی شائقین مایوس ہیں وہیں کانگریس کے رہنما راہول گاندھی نے بھارتی وزیر اعظم کی گراؤنڈ میں موجودگی پر نریندر مودی کو پنوتی قرار دے دیا۔
Rahul Gandhi says #Panoti in Rajasthan pic.twitter.com/nOyn0qGDvE
— Ashish Singh (@AshishSinghKiJi) November 21, 2023
بھارتی میڈیا کے مطابق منگل کو راجستھان میں ایک انتخابی ریلی سے خطاب کرتے ہوئے راہول گاندھی نے نریندر مودی پر طنز کیا اور کہا کہ ‘ اچھے بھلے ہمارے لڑکے وہاں پر ورلڈ کپ جیت جاتے لیکن ‘پنوتی’ نے ہروا دیا’۔
واضح رہے کہ فائنل میں شکست کے بعد بھارتی وزیر اعظم نریندر مودی انڈین کرکٹ ٹیم کے ڈریسنگ روم میں بھی گئے تھے اور کھلاڑیوں سے ملاقات کی تھی۔