مسجد الحرام میں بارش کے دوران عمرہ وطواف کرتے زائرین کی ویڈیوز نے سوشل میڈیا پر سحر طاری کردیا ہے۔
مسجد الحرام میں آج ہونے والی موسلادھار بارش کے دوران طواف اور نماز کی ویڈیوز سوشل میڈیا پر وائرل ہوگئیں۔
Rain in Masjid Al Haram, Makkah this morning! pic.twitter.com/8S57yphSxK
— The Holy Mosques (@theholymosques) March 15, 2023
وڈیوز میں زائرین کو بارش کے دوران سکون اور اطمینان کے ساتھ عبادت اورطواف میں مشغول دیکھا جا سکتا ہے۔
بارش کے دوران مطاف، نماز کے مقامات، داخلی راستوں پر فوری طور پر پانی کی نکاسی اور فرش خشک کیے جانے کو یقینی بنایا جاتا رہا۔
حرمین شریفین انتظامیہ نے بارش کی صورتحال سے نمٹنے کے لیے خصوصی انتظامات کیے تھے۔
واضح رہے کہ حرمین شریفین انتظامیہ نے مسجد الحرام کی خدمت پر مامور متعدد سرکاری اداروں کے تعاون سے مسجد الحرام میں بارش کے مسائل سے نمٹنے کے لیے ہنگامی اسکیموں پر عمل درآمد شروع کررکھا ہے۔
غیر معمولی موسم کے دوران حرمین شریفین انتظامیہ کی کوشش رہتی ہے کہ عبادت کے دوران زائرین کی سلامتی کو یقینی بنایا جائے۔