کراچی سمیت ملک بھر میں بارشوں کی پیشگوئی

محکمہ موسمیات نے بالائی علاقوں میں موسلادھار بارشوں کی پیش گوئی کر دی۔

محکمہ موسمیات کے مطابق کراچی میں 18 سے 22 اگست کو گرج چمک کے ساتھ وقفے وقفے سے بارش کا امکان ہے جب کہ 14 سے17 اگست تک ملک کے بالائی علاقوں میں موسلادھار بارشیں متوقع ہیں۔

18سے 22 اگست تک سندھ، بلوچستان، جنوبی پنجاب اور خیبرپختونخوا میں بارشوں کا امکان ہے جس سے کشمیر، گلگت بلتستان، گلیات اور مری میں لینڈ سلائیڈنگ کاخدشہ ہے۔

اسلام آباد، راولپنڈی، لاہور، سیالکوٹ، گوجرانوالہ، پشاور، نوشہرہ میں اربن فلڈنگ کا امکان ہے جب کہ نشیبی علاقوں میں پانی بھرنے اور سڑکوں پر پھسلن کاخدشہ ہے۔

محکمہ موسمیات کا کہنا ہے کہ تیزہوا اور آسمانی بجلی سےکمزور ڈھانچوں کو نقصان پہنچ سکتا ہے۔ محکمہ موسمیات نے شہریوں، مسافروں اور سیاحوں کو احتیاطی تدابیر اختیار کرنے کی ہدایت کی ہے۔