راولپنڈی : ٹک ٹاک اکاؤنٹ ڈیلیٹ نہ کرنے پر باپ نے بیٹی کو قتل کر ڈالا اور موقع سے فرار ہوگیا۔
تفصیلات کے مطابق راولپنڈی میں افسوسناک واقعہ پیش آیا، جہاں ٹک ٹاک اکاؤنٹ ڈیلیٹ نہ کرنے پر باپ نے بیٹی کو قتل کردیا۔
پولیس نے بتایا کہ واقعہ تھانہ روات کے علاقے ڈھوک چوہدریاں میں گزشتہ روزپیش آیا تاہم ہیڈ کانسٹیبل شہباز انجم کیانی کی مدعیت میں قتل کا مقدمہ درج کرلیا گیا ہے۔
ابتدائی طور پر اہل خانہ نے دعویٰ کیا کہ لڑکی نے خودکشی کی ہے۔
مزید پڑھیں : باپ نے بھائی کے ساتھ ملکر بیٹی کو قتل کردیا
تاہم تفتیش کے دوران، پولیس کو ایسے شواہد ملے جو خودکشی کے بیانیے سے متصادم تھے اور اس بات کی تصدیق کرتے ہیں کہ لڑکی کو قتل کیا گیا ہے۔
پولیس کا کہنا تھا کہ ملزم اخلاق نے بیٹی مہک کو موبائل سے ٹک ٹاک اکاؤنٹ ڈیلیٹ کرنے کا کہا، بیٹی نے اکاؤنٹ ڈیلیٹ نہ کیا تو اخلاق نے طیش میں آکر گولی مار کر قتل کردیا۔
پولیس نے مقدمہ درج کر کے جائے وقوعہ سے فرانزک شواہد اکٹھے کر لیے اور ملزمان کی گرفتاری کے لیے سرچ آپریشن شروع کر دیا گیا ہے جو تاحال فرار ہے۔