نوکری کے خواہشمند امیدواروں کے انٹرویوز کی تاریخوں کا اعلان

نوکری کے خواہشمند امیدواروں کے انٹرویوز کی تاریخوں کا اعلان

پشاور : خیبرپختونخوا ریسکیو 1122 میں بھرتیوں کے امیدواروں کے انٹرویو کی تاریخوں کا اعلان کردیا گیا۔

تفصیلات کے مطابق ڈائریکٹر جنرل ایمرجنسی ریسکیو سروس (ریسکیو 1122) خیبرپختونخوا نے بھرتی کے امیدواروں کے انٹرویو شیڈول کا اعلان کر دیا۔

جاری اعلامیے میں کہا گیا کہ خیبرپختونخوا کے مختلف اضلاع میں بھرتیوں کے لیے اہل امیدواروں کے انٹرویوز 15 جنوری 2025 سے شروع ہوں گے۔

ایجوکیشنل ٹیسٹنگ اینڈ ایویلیوایشن ایجنسی (ETEA) کے ذریعے کامیاب امیدواروں کو انٹرویو کے لیے بلایا جائے گا، جس کے بعد اہل امیدواروں کے نام اور شیڈول ای ٹی ای اے کی ویب سائٹ پر جاری کر دیے جائیں گے۔

اعلامیہ میں مزید کہا گیا کہ جن امیدواروں نے 2022 میں ریسکیو 1122 میں بھرتیوں کے لیے درخواستیں جمع کرائی تھیں، ان کے انٹرویوز بھی جنوری 2025 میں ہوں گے۔

تمام امیدواروں کو ہدایت کی گئی ہے کہ وہ اپنے اصل اسناد، ڈومیسائل اور دیگر ضروری دستاویزات کے ساتھ مقررہ تاریخ کو انٹرویو میں شریک ہوں۔ امیدواروں کے لیے انٹرویو شیڈول اور دیگر تفصیلات ریسکیو 1122 کی ویب سائٹ پر فراہم کر دی جائیں گی۔

مزید پڑھیں : پنجاب میں ملازمتوں کے مواقع، تنخواہ 50 ہزار سے 3.5 لاکھ روپے تک