پاکستان کو زرعی ترقی کی بلندیوں پر پہنچانے کے لیے انقلابی منصوبہ

پاکستان ایک انقلابی زرعی تبدیلی کی طرف گامزن ہے، فون گرو پاکستان کے زرعی شعبے میں پائیدار مستقبل کی ضمانت ثابت ہو گا.

تفصیلات کے مطابق پاکستان فون گرو پاکستان میں جدید زرعی تقاضوں کو پورا کرنے کے لیے سرگرم ہے، 2022میں قائم ہونے والا فون گرو پاکستان میں فوڈ سیکیورٹی کے لیے کامیابی سے سرگرم عمل ہے۔

فون گرو بڑے پیمانے پر کارپوریٹ فارمنگ کو متعارف کروانے کے لیے کوشاں ہے، اس منصوبے کی زیرِنگرانی ایک ویلیوایڈڈ ایگرو ایکو سسٹم تیار کیا جائے گا۔

فون گرو کے ذریعے ہائی ٹیک زرعی سہولیات، جدید طریقوں سے بھرپور فائدہ اٹھایا جا سکے گا، فرنٹ لوڈ ڈہائی ٹیک فارمنگ میکنائزیشن کے ذریعے پاکستان پیداواری صلاحیت کے نئے دور میں داخل ہو چکا۔

اس منصوبے کے تحت زیادہ اور منافع بخش پیداوار کو یقینی بنایا جائے گا، فون گرومیں جدید نظام اور جدت کے ذریعے معیاری بیج اور آبپاشی کے استعمال سے پیداوار میں نمایاں اضافہ ہو رہا ہے۔

فون گرو کا عزم ہے کہ تمام کسانوں کے ساتھ رابطہ قائم کیا جائے اور انھیں ہر ضروری تعاون مہیا کیا جائے، فون گرو کے ذریعے کسانوں کوجدید ٹیکنالوجی فراہم کی جائے گی، جدید ٹیکنالوجی زرعی منظر نامے میں ترقی حاصل کرنے کے لیے نہایت اہم ہے۔

فون گرو کی زیرِنگرانی متعدد منصوبوں کو کامیابی کے ساتھ مکمل کرلیا گیا ہے، پیرووال فارم خانیوال فون گرو کی کامیابی کی شاندار مثال ہے، جدید کاشتکاری کو اپناتے ہوئے پیرووال اپنی نوعیت کا پہلا اور منفردفارم ہے جو 2250 ایکڑ پرپھیلا ہے.

پیرووال کو 5 سال میں ایک لاکھ ایکڑ تک پہنچانے کامنصوبہ بھی تشکیل دیا جا چکا ہے، ماہرین کا کہنا ہے کہ پاکستان زراعت کے لیے موزوں ترین سرزمین ہے۔