قومی ٹی 20 ٹیم کے نائب کپتان محمد رضوان بھی اوپننگ جوڑی پر بول پڑے۔
نیوزی لینڈ سے چوتھے ٹی 20 میں شکست کے بعد میڈیا سے گفتگو کرتے ہوئے وکٹ کیپر بیٹر محمد رضوان نے ناکامیوں کی ایک وجہ ٹاپ آرڈر میں تبدیلی قرار دے دی۔
محمد رضوان نے کہا کہ اوپننگ تبدیل کرنے سے ٹیم کا نقصان ہوا ہے۔
انہوں نے کہا کہ بابر اعظم اور میری اوپننگ اچھی جارہی تھی، بابر اعظم نے بڑے دل کا مظاہرہ کرکے اپنی جگہ چھوڑ دی ہے۔
️ "Personally, I don't like losing, it hurts."
Mohammad Rizwan on whether the team can make a comeback and hit top gear after losing 7 consecutive matches #NZvPAK #Rizwan pic.twitter.com/ST1o4ysGnE
— CricWick (@CricWick) January 19, 2024
انہوں نے کہا کہ مڈل اوورز میں وکٹیں نہ ملنے کے بارے میں بالنگ کوچ عمر گُل آپ کو زیادہ بہتر جواب دے سکتے ہیں، بیچ میں وکٹیں نہیں آرہیں اس وجہ سے فاسٹ بولرز کی کارکردگی پر سوالات اٹھ رہے ہیں۔
وکٹ کیپر بیٹر نے بنگلہ دیش میں آسٹریلیا اور نیوزی لینڈ ٹیم کی شکست کو جواز دیتے ہوئے کہا کہ روٹیشن پالیسی کے تحت کمبینشن بنانے کی کوشش کررہے ہیں لیکن رزلٹ ہمارے حق میں نہیں آرہے جس کا دکھ ہے، مجھے بھی ہار پسند نہیں ہے لیکن ایشیائی کنڈیشنز میں کینگروز اور کیویز کو بھی شکست ہوتی ہے۔
محمد رضوان نے کہا کہ افتخار احمد نے مجھے کہا کہ یہ پچ 150 رنز بنانے والی ہے یہاں زیادہ اسکور نہیں بنے گا۔
واضح رہے کہ نیوزی لینڈ نے چوتھے ٹی 20 میچ میں پاکستان کو 7 وکٹوں سے شکست دے کر سیریز میں 4-0 کی فیصلہ کن برتری حاصل کرلی، محمد رضوان کی 90 رنز کی اننگ بھی رائیگاں گئی۔