تھانے : بھارت میں ایک معمولی سڑک حادثے کے بعد کار مالکان کے درمیان تلخ کلامی ہوگئی جس کے بعد ایک فریق نے دوبارہ گاڑی گھما کر کار کو ٹکر دے ماری جس کی زد میں راہگیر بھی آگیا۔
یہ فلمی نوعیت کا واقعہ بھارت کے شہر تھانے میں پیش آیا، سوشل میڈیا پر وائرل ویڈیو میں ایک ٹاٹا ہیریئر ایس یو وی کے مالک کو غصے میں آکر ٹویوٹا کار کو زور دار ٹکر مارتے ہوئے دکھایا گیا ہے۔
ویڈیو میں دیکھا جاسکتا ہے کہ پہلے کالے رنگ کی گاڑی سائیڈ سے ٹکر مارتی ہوئی گئی سامنے کھڑا ایک راہ گیر بھی گھسیٹا ہوا دور تک گیا، تاہم ڈرائیور کالی گاڑی کو دوبارہ موڑ کر لایا اور دوبارہ کار کو زور دار ٹکر ماردی۔
فارچیونر کی پچھلی سیٹ پر بچے بیٹھے ہوئے تھے، زور دار ٹکر لگنے سے گاڑی کے پیچھے کھڑا موٹر سائیکل سوار شخص بھی کچلا گیا۔
مذکورہ واقعہ صبح 11 بجے پیش آیا تاہم اس کی مزید تفصیلات سامنے نہیں آسکیں، اس حوالے سے متعلقہ پولیس حکام کا کہنا ہے کہ واقعے کی تحقیقات کی جارہی ہیں ملزمان کو جلد حراست میں لے لیا جائے گا۔